御滿屋日本料理

營業中

休息中

好耐無食放題，心血來潮係屋企附近試咗呢間御滿屋 ，放題200幾蚊係幾抵，飲品除咗一般無酒精飲品，酒精類選擇都幾多，有日本Chu Hi、麥啤、象啤、Somersby，另外仲有清酒、梅酒、紅酒、多款手調梳打都係自己任攞～雪糕方面有Häagen-Dazs同Movenpick，回本必食！甜品有少見嘅千層蛋糕同大泡芙，還可以～刺身有1０幾款，種類算幾多，食材幾新鮮，黎得足料的～ 不過我更愛燒物，首選係燒鰻魚，厚燒好有質感，魚肉燒完都仲好滑， 仲有西京燒，皮脆肉嫩，我都encore咗2次。羊架同雞軟骨都燒得好甘香，配埋檸檬汁就唔油膩。佢仲有其他貴少少多啲野食，見隔離枱有海膽個啲，下次可以試下個upgrade版！