畢打奧餐廳

營業中

休息中

上網見到MM都推介既畢打奧餐廳，自己好耐之前食過，隔幾年後番去食，一樣咁有水準。入到去個環境，好似時光倒流咁，氣氛仲好chill! 餐湯羅宋同白湯都叫左，羅宋湯好足料，仲有粒粒牛肉。西冷扒配蒜蓉汁 意粉百幾蚊咁大個扒餐，其實真係好抵! 西冷扒肉質嫩，易切開，而且都好大塊。鐘意佢呢到汁係另上，自己鐘意撈幾多就幾多。個蒜蓉汁同意粉好夾，好食!豬手配黑椒汁 薯菜豬手份量都好勁!! 鐘意佢個脆皮位，感覺好似食緊好多骨膠原，唔會太油膩，仲要配埋佢個酸菜! 豬手可以點餐時叫碎上，食落方面好多。法式焗田螺呢個好好食! 而且仲有好香既薯蓉，推介!野飲方面糖水係另上，自己落架，而且佢個檸茶底同出面都唔同，好似係英式茶底咁!除左野食好食，店員態度都好好，感覺呢到真係好有人情味。