浜松水產 (已結業)

朋友介紹嘅餐廳，地點方便，餐廳又夠闊落，坐得舒服。一到就忍唔住嗌嘢飲消消暑，我自己叫咗杯「花」嘅飲品，其實即係菠蘿特飲，朋友就叫咗杯asahi，夠冰凍，正！跟住就梗係要叫個刺身啦，「松」盛盒，只係$398，但有象拔蚌、三文魚、珍寶赤蝦、帆立貝、油甘魚、真鯛同海膽。超級抵食，我最鍾意係赤蝦，好新鮮好彈牙。小食先叫咗個明太子玉子燒，食落有驚喜！玉子嘅質地，乾濕同軟硬度適中！配埋面頭嘅沙律醬同明太子，好味。之後就叫咗炒野菜同炒雜菇，份量都幾多！主食就叫咗個壽喜燒牛肉鍋同和牛炒飯，好重牛味。和牛炒飯就好有功夫，粒粒分明，牛肉嫩滑，加埋大葱就更加香。