滿屋定食

營業中

休息中

餐牌設計色彩繽紛，有漫畫感覺，令人望見都有胃口大增嘅感覺。餐廳主打定食，揀左主菜後，再從A,B,C類選擇喜歡嘅湯或小食，啱哂想食多啲種類嘅朋友。汁燒牛舌飯，配味噌湯，味付墨魚仔同北海道牛乳炸脆奶牛舌飯大大碗，有4，5塊厚切牛舌，牛舌軟稔，汁燒味惹味，仲有木瓜絲，清爽口感有助減少油膩感。飯中間暗藏住一隻温泉蛋，蛋汁包住米飯，特別香滑易入口。燒牛排甲拋丼，配冬陰功湯，木耳帶子裙邊同泰國炸蝦餅冬陰功湯酸辣適中，層次分明，有驚喜。燒牛排頗大塊，牛味唔算非常重，但軟稔無筋。飯嘅配菜竟然係豬肉粒加生菜，有啲似生菜包嘅感覺，但撈飯食又好夾，忍唔住食哂啲飯。跟餐揀左熱柚子蜜同藍天乳酪梳打，梗係要打個咭先啦。小食拼盤小食拼盤都有好多唔同食材選擇。特別喜歡南瓜脆薯餅，一絲一絲南瓜肉，加埋薯蓉，炸得外脆內軟。鹽酥雞炸粉唔厚，仲有肉汁。豬頸肉串燒拼盤有齊豬，牛，雞串燒，仲有份量唔少嘅豬頸肉，肉類經醃製調味，頗入味又唔會燒得乾淨淨，好啱食肉獸嘅朋友。無論定食還是散叫嘅小食，都份量十足，價錢又親民，真係好抵食呀。