蘇媽.蘇媽馬來西亞茶餐室 (已結業)

今日同個舊同事whatapp, 先知原來早幾年佢過咗馬來西亞，搞到我突然想食肉骨茶，所以同男朋友去咗呢間之前銅鑼灣食過嘅馬來西亞餐廳食晚飯。肉骨茶（豬手仔）我地點咗一個豬手仔肉骨茶，店員首先斟咗碗肉骨茶俾我地飲，好鍾意佢好夠熱。肉骨茶好有中藥成分味，真材實料，飲得出有當歸味，亦都有肉味，少少回甘。之後食豬手，唔會太硬太淋，口感Q彈，沾上跟着指示調較嘅醬汁（蒜蓉，辣椒，黑醬油，豉油）食，好惹味，不嬲男友唔食豬手都話好味。另外，肉骨茶係免費任添任飲，我地一共飲咗3、4碗，好抵。魚仔醬蘿蔔糕第一次食呢款蘿蔔糕，呢個係餐廳推介，份量都唔少，我地兩個每人都有5嚿，煎得好金黃香脆，外脆內軟，入邊亦都有清甜嘅蘿蔔條，上面嘅醬少少辣有好多魚乾仔，香口惹味，係一個好好味既小食。招牌砂煲老鼠粉之前在銅鑼灣分店食過，覺得好好味，今次再點返回味。同上次一樣，上枱熱辣辣，將d老鼠粉同配料撈埋一齊食，香氣四溢，銀針粉口感煙韌，調味適中，好多魚仔同蝦米仔，好香口，水準依舊滿意。為一小可惜嘅係隻蛋黃有d散咗，否則賣相完美。個老鼠粉份量其實好多，每人都食咗3咗碗，加上肉骨茶，今晚餐飯好美味，食得好飽，又好抵。