花墟茶餐廳

營業中

休息中

偶然見到呢間茶餐廳，門口泊到車，就入去食個下午茶。六點前都仲有下午茶餐。炸雞髀沙律，啲沙律就比較多沙律醬，感覺好高卡路里，唔係我杯茶。不過朋友話隻炸雞髀幾好食，夠味。我自己就食豬扒包，有洋蔥蕃茄同青瓜做配料，入面有牛油同埋千島醬，如果下次再嚟食，一定要記得叫佢走牛油同埋走醬。當然有牛油同醬就會惹味啲。奶茶幾有水準，夠香濃同滑。間茶餐廳應該係新開，好光猛同乾淨，連啲餐牌都好乾淨。希望佢可以保持乾淨同埋水準。兩個茶餐70幾蚊，抵食。