壽司郎 (無限極廣場)

營業中

休息中

就腳又嚟到上環呢間長期大人氣嘅壽司郎。咁啱係下午茶時段，就點咗三文魚刺身配烏冬下午茶套餐 。好鍾意煙韌嘅清湯烏冬，加埋冇得輸嘅新鮮三文魚刺身，份量好飽足。抹茶團子配牛奶味軟雪糕，覺得係改良版嘅抹茶軟雪糕芭菲。我自己都好鍾意呢個配搭，唔使再食芭菲入面嘅corn flakes，淨返嘅幾樣都係我好鍾意嘅，抹茶紅豆同軟雪糕。備餐工作人員都應該會好鍾意呢個改變，因為砌嘅功夫會少好多。上菜真係快咗，即叫即到，又睇到有賣相好好嘅特盛甜蝦壽司，食落真係鮮甜軟糯，面頭嘅甜蝦份量十足好過癮（可惜掛住食唔記得影埋相）。下午茶真係性價比好高，益街坊。