新景園咖喱小廚

營業中

休息中

灣仔新景園，真係名不虛傳！每次經過都人頭湧湧，記得之前應該上過社交平台，好多大陸人幫襯，真係食都食唔到！最近可能熱潮過了，終於有機會排到隊食！以前食過好多次，隔咗一段時間冇食，水準依舊！正！嚟到新景園，永遠都唔會有選擇困難，你必定係食佢嘅咖喱豬扒飯！食完呢一餐，夜晚你都唔使食飯！豬扒外面有薄薄的脆漿，外面鬆脆，裏面保留豬扒肉味和肉質，淨係個豬扒都一百分！咖喱方面，就係有南洋咖喱嘅味道，有別於一般香港茶餐廳嘅港式咖喱，配埋豬扒真係一絕！如果連咖喱上面嘅薯仔都可以入味啲嘅話，就120分！不過我已經好滿足！所以佢永遠都係豬扒第一！