樓下冰室

營業中

休息中

今晚放工唔想煮飯，諗緊去邊食好，荃灣有好幾間冰室都常去既，但係都係始終鍾意樓下冰室，佢既質素好穩定，同埋真係好大碟。估唔到未到六點都咁多人食，估計係食下午茶，因為佢再平啲😂而家先進左，連樓下冰室都自己用qrcode落單，好方便。叫左個焗肉醬意粉同沙爹牛肉麵既常餐。先講過沙嗲牛肉麵，佢個湯底好濃郁，好重花生香味，麵質彈牙爽口，滑蛋炒得好嫩，都幾重牛油香味。另外叫咗個焗肉醬意粉，啲肉醬鋪得滿滿，茄汁味好香濃，芝士仲可以拉絲，兩個人食都已經好飽。