Red Rice 米飯主題餐廳 (億利工業中心)

營業中

休息中

行完街，五點過左，係時候搵地方醫肚。係開飯上左望望，右望望，決定一試這間工廈飯堂。下午茶星期六也供應至六時，三十幾蚊有個飯有野飲，價錢抵食過連鎖快餐店。餐牌種類繁多，有鐵板，有咖哩，有烏冬，有飯，有意粉，有印度薄餅，晚市更有中式蒸餸；絕對係一間多國菜茶餐廳。職員有禮貌，落單又全電子化，又有大電視睇。這種級數的茶餐廳，只收平民化價錢，絕對係醫肚架好選擇。全餐最抵食架必選一呎長豬肋骨，我估計它是焗出來，才可保留肉質內架水份，口感軟腍；醬汁就不算特別惹味。這個價錢，我深信在其他餐廳是找不到的。主餐牌上的主菜，加二十蚊，便有沙律，餐湯，一份厚多士，再加兩蚊可選特色餐飲。以烏冬為例，單點四十幾蚊，配套餐才六十幾蚊。這個份量對女士來說多了一點，但性價比高；四十幾蚊的午餐只有普通餐飲，即時比下去。午餐餐牌最抵食之選，除了牛外，必定是鐵板鰻魚飯。不知何時鰻魚已升級為貴價食材，三、四塊連飯也要幾十蚊。這兒一條約六至七吋鰻魚肉連鐵板飯才五十幾蚊，已包飲品，絕對係超值之選。魚質有口感，不像日式餐廳般軟腍腍，如果再多一點鰻魚汁，就可劃上一個完滿句號。