田中日本料理

營業中

休息中

聽野豬講田中係元朗有名小店之一，本來都唔多信，呢晚去到店外已經見到好多人等位就信了。攞完位要交埋點餐紙先真正算排緊隊架! 一心黎係食佢有紫菜嘅丼飯，冇咩點解，純粹想用個紫菜黎自制手卷最後要左個海膽三文魚火龍卷，三文魚壽司，三文魚腩碎飯同吞拿魚蓉軍艦。三文魚壽司抵食!三文魚足足比一般壽司長倍，仲要好肥美。吞拿魚蓉軍艦就一般般貨色，勝在大件頭，可以留返quota俾其他嘢。海膽三文魚卷又係大大件好抵食，仲要有埋甜蝦同海膽。不過又因為太大件，唔係好食到到相對少份量嘅海膽嘅味道，分開黎試左一啖，海膽都尚算鮮甜。最後係三文魚腩碎飯，睇個名幾驚真係得三文魚腩碎，原來仲有其他刺身嘅正如之前講可以用紫菜包住刺身同三文魚腩自製手卷，當堂令成件事有趣得多。總括黎講刺身同壽司都用料新鮮又足料，價格公道，服務良好有refill茶。不過要挑剔下啲飯，不論壽司飯定丼飯都有點過於濕潤，做唔到粒粒分明而粒粒相扣。