百芳池上便當 (Mikiki)

營業中

休息中

放工食晚飯，簡簡單單滿足脾胃已經足夠。有時都會食下呢間百芳台式便當，因為好大份同抵食。 台灣牛肉麵嗰湯底同麵底比想像中出色，湯底味道算濃厚，帶點微辣，但飲落去好開胃，好想一啖接一啖咁飲嘅，麵底有點韌度，唔會太爛，幾爽口，而且真係好實在，令人好飽肚。牛肉帶點牛筋，而且煮得夠淋，份量都算多。 滷雞扒便當塊雞扒好大塊好厚，滷水汁好入味，成塊雞扒味道特濃。配菜還有半隻糖心蛋及粉絲，粉絲也有用醬汁煮過，甜甜的很開胃。 花枝丸酥脆外層灑上椒鹽，非常惹味可口。 芋頭豆乳小芋圓豐富的芋泥及Q彈的小芋圓，配上清甜的豆乳，簡直係绝佳的甜品，甜而不膩又解渴。