九龍坎麻辣火鍋

營業中

休息中

大概夜晚7:00去到，去到嗰陣時職員問我哋想單點定係食放題。我哋就揀咗$298海鮮放題。佢有四隻放題嘅，A B set放題夜晚時段唔提供。之前爬文見到話22:00後先有放題，所以本身諗著1900去到得單點，好驚喜佢其實有放題。坐低之後，店員好熱心咁教我哋點點餐，因為我哋唔太識用個apps 落，所以最後湯底係店員幫我哋落。另外，店員問我哋食唔食雞煲，佢話包埋嘅。但我哋無問到係298個set包雞煲吖，定只要叫放題就有雞煲。‼️❣️有興趣記得向店員查詢，因為雞煲要經店員先落到單，apps係無㗎‼️❣️個雞煲又辣又足料！佢有唔少配料可以自己免費拎，生菜、油麥菜、雞腳、丸呀個啲。醃好咗嘅雞腳味道一般，但其他醃製品還好，例如青瓜🥒。飲品唔算多，都係啲汽水呀紙包飲品，例如檸檬茶個啲。😅留意返佢哋係無無糖飲品嘅，所以想飲無糖飲品可能要自己帶定或者飲個度啲熱茶～然後，佢每次上啲肉都唔會有太多片，如果比較大食，可能要撳多幾次🫣🙈不過佢啲肉係幾鮮嫩，海鮮（有鮑魚添㗎）都係。整體嚟講，佢性價比幾高，幾抵食。適合想打邊爐而要求唔係特別高嘅人。