Hungry Monkey (海之戀商場) (已結業)

位於荃灣既一間餐廳，位置十分便利。餐廳環境真係好舒服，好有時尚感覺。行街都行到口渴，服務員都好貼心咁先為我哋先上飲料。分別係橙味燒灼同埋雜果燒灼。就咁飲落去味道係十分之清香，唔會有一浸好甜既味道。先上辣味嘅田螺，辣味唔算太辣，適合一啲唔太食得辣嘅人。作為開胃菜真係綽綽有餘。蒜蓉豉油浸蕃茄係相當開胃的一道菜，醬汁酸酸甜甜，蕃茄冰冰凍凍，點綴左今晚呢一餐！生蠔🦪嘅大細都真係相當驚人，廚師正架了得，整得非常入味！調調味，並唔係冇味嘅生蠔。鱈魚條配沙律醬，好少喺餐廳食到呢啲小食，又係可以好好過吓口癮！好耐無食鱔，配搭住酸酸甜甜嘅醬汁，真係極尚嘅滋味！最後嚟嘅就係牛舌同埋荷葉飯，牛舌真係不得不讚，唔會整到好煙靭，口感絕對係鬆軟易入口！蟹膏荷葉飯嘅味道不過不失，呢一餐真係填飽個肚！滿載而歸。最後後個甜品；朱古力波波。食落去雖然甜，但流留心嘅質感真係令人好想回味。