Holam Bakery

營業中

休息中

最近發現原來想買現成嘅蛋糕，除咗連鎖集團之外，絕大部份嘅小店都要預早兩三日以上訂購，Holam Bakery 係少有可以即日預留蛋糕嘅小店。佢哋每日都會喺IG公布當日既切餅同蛋糕款式，如果當日想食就可以WhatsApp佢哋留貨，再去到舖頭拎蛋糕俾錢。本身好想試佢嘅海鹽檸檬，可惜售罄。唯有揀伯爵茶同埋抹茶流心千層蛋糕試吓，伯爵茶嘅味道好濃郁，奶油嘅味道好重，唔會好甜。抹茶流心嘅味道淡左少少，但由於中間有層流心嘅抹茶，咬落去會有唔同嘅口感同味道，都幾好味。想食千層蛋糕其實唔一定下下去食Lady M，始終個價錢都唔平。Holam Bakery 性價比高，而且每日新鮮自家製，係一間唔錯嘅小店。