鴻圖樓茶餐廳

營業中

休息中

今日去開觀塘，記得朋友之前介紹過呢間茶餐廳性價比高，即管叫個外賣三餸飯返屋企試吓先。呢度嘅三餸飯$45，包一個例湯，四餸飯就$48。我哋要咗兩盒三餸飯，選擇都好多，花多眼亂底下揀咗菜心鮮魷、臘腸蒸雞、黑椒豬扒、蒸肉餅、蒸水蛋同排骨連白菜仔，例湯係蓮藕肉排湯。飯同餸嘅分量十足，特別要讚下個蓮藕肉排湯，足料好好味，十分驚喜。鮮魷整得好味，有趙口得來唔會韌。黑椒豬扒好夠味，又唔會太過辣。蒸水蛋同蒸肉餅都唔錯，有住家飯嘅感覺。$45三個餸，再加埋個好味嘅老火湯，勝價比算高。買外賣時見環境都幾好，枱與枱之間唔會好逼，下次有機會可以再試吓堂食。