台灣麵

營業中

休息中

叫了一個2人餐$198等咗10分鐘就食得。小食3款普通，不太特出，醬汁偏杰身。椒鹽排骨新竹米粉，每次都都會吃，有2片豬扒味道剛好而米粉份量不少一定飽肚。貢丸湯，湯勁油，貢丸幾彈牙好味。紅油抄手不太有紅油感，不過雲吞大隻份量不少，九菜幾香。酸辣湯，材料少咗點，辣度夠酸度偏多少少。豬軟骨肉燥飯，豬軟骨都入味，飯份量不少，肉燥不太多汁岩我。飲品珍珠奶茶叫左少甜但甜度都偏高，珍珠幾有口感，奶茶味都有不過加珍珠$5貴咗少少，抺茶鮮奶紅豆竟然幾足料，十分濃郁不錯。因吃不完再加了一個外賣碗共$205。