影片
更多
2023-08-13
47 瀏覽
雖然疫情已過，好多人都開始去旅行，不過由於屋企有新成員，我地短期內都唔想離開香港。又到左週末，有屋企人可以幫手照顧小朋友，係時候「放風」，今日剛好要去元朗處理少少事，回家途中順便買外賣返屋企，記得早前有朋友介紹位於西菁街嘅886，今日決定試下。黑金剛牛尚燒 （牛叉)：平時食豬肉整成嘅叉燒就食得多，牛肉叉燒真係第一次試。厚切牛尚燒賣相黑炆炆，醃得好入味，入口滷水味同牛味香濃，食落有微微焦香味，肉質鬆軟，無豬肉整叉燒咁肥膩。配菜方面有滷蛋、豆腐同西蘭花，配埋帶秘製醬汁嘅飯食，令人一口一口咁食過不停。古早鐵路排骨飯:排骨用上豬去骨里脊肉，大大塊，肉質軟嫩，好有地道台灣風味，配菜仲有鹵水豆腐、菜同台灣腸，配埋魯肉碎，撈飯食簡直一流。西屯魯肉飯 ：呢度嘅魯肉飯以豬肉絲嘅方式上，有肥肉有瘦肉，比例適中，口感唔錯，肉味好濃，同白飯撈埋食，非常入味，味道好夾。台南六寶丸：六寶丸有牛丸、冬菇牛丸、蟹籽丸、貢丸、花枝丸同八爪魚丸，粒粒都唔同味道，肉味相當濃郁，食落爽滑又彈牙，我自己就最喜歡花枝丸同貢丸，配菜仲有生菜，份量都幾多，以＄38黎講真係算性價比高。菜肉水餃 （8隻） ：菜肉水餃一份有8隻，餃子皮
又到左週末，有屋企人可以幫手照顧小朋友，係時候「放風」，今日剛好要去元朗處理少少事，回家途中順便買外賣返屋企，記得早前有朋友介紹位於西菁街嘅886，今日決定試下。
黑金剛牛尚燒 （牛叉)：平時食豬肉整成嘅叉燒就食得多，牛肉叉燒真係第一次試。厚切牛尚燒賣相黑炆炆，醃得好入味，入口滷水味同牛味香濃，食落有微微焦香味，肉質鬆軟，無豬肉整叉燒咁肥膩。
配菜方面有滷蛋、豆腐同西蘭花，配埋帶秘製醬汁嘅飯食，令人一口一口咁食過不停。
古早鐵路排骨飯:
排骨用上豬去骨里脊肉，大大塊，肉質軟嫩，好有地道台灣風味，配菜仲有鹵水豆腐、菜同台灣腸，配埋魯肉碎，撈飯食簡直一流。
西屯魯肉飯 ：
呢度嘅魯肉飯以豬肉絲嘅方式上，有肥肉有瘦肉，比例適中，口感唔錯，肉味好濃，同白飯撈埋食，非常入味，味道好夾。
台南六寶丸：
六寶丸有牛丸、冬菇牛丸、蟹籽丸、貢丸、花枝丸同八爪魚丸，粒粒都唔同味道，肉味相當濃郁，食落爽滑又彈牙，我自己就最喜歡花枝丸同貢丸，配菜仲有生菜，份量都幾多，以＄38黎講真係算性價比高。
菜肉水餃 （8隻） ：
菜肉水餃一份有8隻，餃子皮薄得黎仲好滑，俊隻都好多餡，非常飽滿。用菜肉黎做餡料嘅餃子，味道相對清淡，肥豬肉感覺上唔太多，值得一讚。
一口生煎包 （5 粒）：
生煎包一份有五件，每件細細粒，外皮煎得香脆，咬落去滿口肉汁，一口一件，感覺上唔多夠喉。
上湯時菜：
生菜份量多之餘仲幾新鮮，用上湯煮之後非常入味，食左咁多油膩野，食返個菜可以解膩。
紅豆卷餅：
紅豆卷餅薄得黎都好大塊，紅豆蓉都幾多，食落煙煙韌韌，用黎做甜品都係一個唔錯選擇。
紅豆香甜，而且剪得香脆
九份手工芋圓（鮮草／紅豆）：
芋圓我自己就真係麻麻，但另一半非常喜歡，所以特登叫黎俾佢食。
芋圓口感煙韌，一碗有成8－9大粒，配埋紅豆同仙草，味道相當夾，食落亦唔會太甜，夏天食感覺仲相當清涼，以＄23 黎講都算幾抵食。
張貼
