鴨仔冰室 (已結業)

今日喺觀塘放工行過呢個商場， 見到好多嘢食就入去搵下， 即刻就畀呢間有好大隻鴨仔喺門口嘅鋪頭 吸引住， 成間舖頭用鴨仔做主題， 而且仲幾有特色， 用留聲機播緊歌， 好懷舊。侍應哥哥好有禮貌， 介紹有咩好食 ，仲即刻為我哋預備咗兩個口罩紙。我哋叫咗兩個晚餐， 可以揀呢個青豆湯， 你以為青豆湯好臭咩， 又冇咩草青味， 就算我怕怕地青豆嘅人都食到， 而且好熱好滑。個雜菜沙律就更加係靚， 而且份量都唔細。 呢個丹麥豬扒 煮得好淋， 入面肥油同埋肉嘅比例啱啱好， 食落好嫩口， 小小嘅鹽調味料冇足夠。 再加埋個薯蓉真係做得一流， 好香牛油味另外呢個大坑牛柳鐵板更加係一絕， 除咗大大隻嘅蝦之外， 牛柳勁厚肉， 成個拳頭咁大， 可以切開慢慢放喺熱嘅鐵板上煎， 自己調效生熟程度。 另外啲薯條都好好食， 條條都外脆內軟。最後侍應哥哥介紹咗我哋叫甜品， 朱古力蛋糕有窿窿嘅朱古力味， 而且入面仲有幾層， 做工唔錯。我就鍾意呢個意式奶凍， 唔太甜， 加啲士多啤梨醬， 入面又係勁滑 多奶。如果喺 觀塘嗰頭返工， 真係可以當飯堂咁食，正。