影片
更多
2019-01-10
154 瀏覽
好耐都未試過食燒肉，因為成日都覺得燒肉嘅環境非常烏煙瘴氣，油煙又多，不過朋友介紹呢間金金日燒放題，拍晒心口保證環境質素都好OK，所以今日決定黎試一試。環境真係比想像中舒服，一d油煙都無，枱又唔會痴笠笠。空間感又夠大，所以坐落都好舒服。本身好想叫好多靚牛黎食，不過因為老公喉嚨唔太舒服，所以都係半肉半菜。肉方面，叫左個澳洲黑毛和牛盛合，同埋鹽燒豬腩肉配黑松露沙律醬。澳洲黑毛和牛盛合$298，入面有4款澳牛，每款各3件，包括肉眼、里肌肉、肩胛、一口和牛。牛既肉質全都很腍嫰，而且牛味香濃，基本上唔駛點任何既醬料都已經夠味。而咁多款入面我最中意既係肉眼，食落有口感，但肉身又會靭。而鹽燒豬腩肉配黑松露沙律醬$48，一客有7片，非常抵食，不過豬腩肉燒既時間相對較耐，所以要比多小小耐性。豬腩肉鬆香，而且油脂分怖平均，當燒到金黃後再食，肉身脆卜卜，而且一d都唔會覺得油膩。菜方面，叫左個香草牛油燒大菇，同埋香草牛油蘆筍。職員教我地要放中間燒，燒大菇既時間比蘆筍快得多。而且職員仲好細心同我地講，如果唔夠牛油仲可以加，不過完全唔駛加牛油、牛油既份量，喺燒既時間岩岩好，大菇同蘆筍都夠熱同熟。大菇真心好食，一咬，
好耐都未試過食燒肉，因為成日都覺得燒肉嘅環境非常烏煙瘴氣，油煙又多，不過朋友介紹呢間金金日燒放題，拍晒心口保證環境質素都好OK，所以今日決定黎試一試。
環境真係比想像中舒服，一d油煙都無，枱又唔會痴笠笠。空間感又夠大，所以坐落都好舒服。
本身好想叫好多靚牛黎食，不過因為老公喉嚨唔太舒服，所以都係半肉半菜。
肉方面，叫左個澳洲黑毛和牛盛合，同埋鹽燒豬腩肉配黑松露沙律醬。
澳洲黑毛和牛盛合$298，入面有4款澳牛，每款各3件，包括肉眼、里肌肉、肩胛、一口和牛。牛既肉質全都很腍嫰，而且牛味香濃，基本上唔駛點任何既醬料都已經夠味。而咁多款入面我最中意既係肉眼，食落有口感，但肉身又會靭。
而鹽燒豬腩肉配黑松露沙律醬$48，一客有7片，非常抵食，不過豬腩肉燒既時間相對較耐，所以要比多小小耐性。豬腩肉鬆香，而且油脂分怖平均，當燒到金黃後再食，肉身脆卜卜，而且一d都唔會覺得油膩。
菜方面，叫左個香草牛油燒大菇，同埋香草牛油蘆筍。職員教我地要放中間燒，燒大菇既時間比蘆筍快得多。而且職員仲好細心同我地講，如果唔夠牛油仲可以加，不過完全唔駛加牛油、牛油既份量，喺燒既時間岩岩好，大菇同蘆筍都夠熱同熟。
大菇真心好食，一咬，非常juicy，爆哂汁，而且充滿了牛油同香草味。
而蘆筍就好爽口新鮮，而且又唔會有渣，同大啡菇一樣，都係充滿了牛油既香味，基本上唔駛點汁就已經食得。
最後叫左個日式讚岐冷烏冬，冷烏冬雖然好多地方都有得食，但要整得好食其實都唔易。冷麵汁同烏冬都夠凍，而烏冬既面質岩岩好，唔會太腍又唔會太硬。最岩一啖啜哂入口。加入香蔥同wasabi 之後，又係另一個味，小小辣，但好清新。
而值得一提嘅係，職員嘅服務態度，佢哋會好殷勤同你加茶，好似驚你唔夠水飲咁，所以無時無刻都有暖茶到胃。而且亦都會細心解釋每一樣菜同食法，真心抵讚！
張貼
