曼谷車站

營業中

休息中

同屋企人去左食泰國菜，哩餐真係又平又美味。椰汁冰($23)，好重椰子味，我好鐘意。珍多冰($25)，冇飲過。咖喱軟殼蟹($128)，咖喱味超濃超香，配軟殼蟹真係好正，仲可以用埋d咖喱汁撈飯/薄餅食。辣椒膏炒青口($78)，哩個好辣，如果唔食得辣真係唔好挑戰，青口都幾大隻厚肉。燒牛肉沙律($68)，少少微酸，開胃餸菜，牛肉份量都幾多而且仲好腍。薄餅($28)，專登叫一份黎點咖喱汁食，好正。飛天炒通菜($52)香芒蟹肉炒飯($72)，芒果連埋飯一齊炒，食落幾夾，一樣淋上咖喱汁仲正。