大鍋口海鮮火鍋店

營業中

休息中

今日男友表示超肚餓，我又咁啱火鍋癮起，於是就響OpenRice search到呢間餐廳，又近男朋友收工之餘我去都近，位置一流，所以二話不說決定試吓~ 我哋閑日六點幾七點一上到去已經有唔少人響門口等緊，可見呢間餐廳真係好受歡迎我哋食到八點幾臨走嘅時候已經全場滿座咁滯~ 一入到去我哋當然先叫鍋底，估唔到而家有任食雞煲送，所以我地開始打邊爐之前都食飽咗一半啦~ 二百幾蚊又有雞煲又有火鍋真係抵到爛~ 火鍋湯底方面我哋叫咗椰子雞同埋麻辣，本身以為價錢咁平，湯底味道都應該好一般，估唔到湯底比想像中香濃有驚喜餐廳仲送咗一碟打卡同味道都一流嘅牛肉俾我地，之後我哋自己任叫嘅牛肉質素都唔錯，所以餐廳性價比真係超高，岩哂一大班人聚餐