佳豐粉麵

營業中

休息中

認得呢間以前係琴行街另一邊的小店，差不多一年前搬左過黎現址。記得舊店的時候經常都有人排隊，生意不錯。今次夜晚十點黎都仍然有幾個人排隊，十分受歡迎。叫左三拼車仔麵。一入店面就聞到好香的蘿蔔味，所以其中一個餸叫左蘿蔔，好入味同好香。另外叫左牛腩、魚皮餃同菜心，十分滿意。湯底都十分清甜，係可以飲晒個種。姐姐都好好和善，返完一日工見到和善的面口好開心。呢間係自助服務，不過其實只係將碗麵拎去張檯度，好少事姐。埋單計數，碗麵三十幾蚊，真係好抵食! 會再來。