和記廚房

營業中

休息中

今晚食dinner老婆話趁住天氣仲未好熱想去食下大排檔嘆下佢哋嘅鑊氣，咁就去咗香車街嘅熟食市場。兜咗個圈最後喺和記到坐低咗。其實呢度天氣熱都可以嚟食嘅因為佢哋有d位係有冷氣但係大部分都係冇嘅。去得大排檔式嘅食肆，都預咗裝修欠奉最緊要係啲嘢好食。我哋今晚叫咗豉汁蒸大鱔、黑米醋骨同埋金銀蛋浸莧菜。呢度上菜嘅速度好，話咁快就上曬三個餸。黑米醋骨好明顯係用油泡過。但係食落一啲都唔油膩同埋個米醋好香好純，真係好食豉汁蒸大鱔好有鱔既鮮味同埋蒸得好滑。金銀蛋浸莧菜同出面水準差唔多值得一讚嘅係佢哋三個餸一啲都唔油膩同埋煮嘅味道比較淡唔似得其他食肆好濃味。淡嘅意思係味道啱啱好同埋食完都唔會口渴。兩個人三個餸分量好夠，都係二百七十蚊唔使性價比非常之高。所以六點半鐘未到就已經坐到爆曬如果你哋要嚟試下就要早啲啦。