忠孝東路

營業中

休息中

我今日放假去左尖沙咀行街食飯，有陣時放假一個人都唔錯，悠悠閒閒又一日。中午黎到isquare，見到有間台灣菜，平日中午人客有好多，我等一陣先入座。午市餐牌好抵食，仲要免收加一。我叫左忠孝牛肉湯麵。湯底是牛肉湯，帶點微辣，湯底好清無油，入口卻非常濃香。牛𦟌肉有8大舊，好足料，入口非常軟腍。麵身粗粗好有咬口。跟餐有小食叫左青瓜，辣辣地好開胃。飲品叫左凍豆漿，甜度唔高，好冰涼降溫。性價比非常高的餐廳。