California Pizza Kitchen (屯門市廣場1期)

營業中

休息中

最近試咗一間性價比高嘅餐廳，提供多款抵食午餐，最平只需$58就有主食同飲品，真係好抵食。西西里風味薄餅🍕$76，餅底酥脆，配料豐富，有意大利香草同ham，芝士溶化得剛剛好，每一口都充滿地中海風味。加州特色雞肉捲餅配脆香薯條🫔🍟$72，雞肉嫩滑，搭配新鮮蔬菜同香濃醬汁，味道層次豐富。薯條香脆😋以優惠價$20加咗個小食：迷你蕃茄羅勒螺絲粉🍝。螺絲粉吸收咗羅勒醬嘅香氣，配上迷你蕃茄，抵食。飲品我哋試咗「海盜」🍹，蘋果、菠蘿、芒果汁同士多啤梨蓉嘅組合，帶來清新果香。而蜜桃冰茶茶味香甜🍑。呢間餐廳提供多款抵食午餐選擇，無論係薄餅定捲餅都有質素，飲品亦多樣化，性價比非常高👍🏻