影片
更多
2011-04-03
30 瀏覽
爸爸今日牛一，最終決定黎呢間食飯慶祝，有兩個時段選擇，分別係6點或8:30，最後決定揀早場，打電話訂枱已經覺得接電話個侍應好nice同埋好pro，第一印象加分~~準時去到，見到個場又真係好細，但我最想食嘅嘢都有齊，所以對我黎講冇所謂。一坐低，侍應姐姐已經通知我地每位奉送一個椰青，嘩!正呀，夠晒清甜、潤喉~準時6點出去攞食物lu:冷盤選擇對我黎講已經足夠，有新鮮生蠔3款，分別係紐西蘭、美國同南非，紐西蘭細隻但鮮甜、美國較大海水味重、南非偏細size味淡，唯一不足每次只可攞3隻，我要出多幾次先得，是晚食左差不多有兩打，絕對為本~~另外例牌唔少得係蟹腳，超大size，每隻都有一條司華力腸咁粗，食多兩件真係飽晒；同場我第一次見琵琶蝦，又係好大隻，厚肉多膏，但味偏淡，要點汁；仲有龍蝦仔(冇食)、青口(一樣有食)同翡翠螺(呢個係我杯茶)日式刺身有三文魚、吞拿魚、八爪魚同油甘魚?(因為冇食所以唔知)前菜則有多款沙律同泰式冷盤，但我醉心於生蠔，完全唔得閒食，唯一係食左巴拿馬ham，真係夾住蜜瓜同哈密瓜係特別好食~~熱盤主題我覺得似泰式+越式，因為有泰國咖哩、炒飯、串燒，但我一樣都冇食，男朋友就每樣都試
爸爸今日牛一，最終決定黎呢間食飯慶祝，有兩個時段選擇，分別係6點或8:30，最後決定揀早場，打電話訂枱已經覺得接電話個侍應好nice同埋好pro，第一印象加分~~
準時去到，見到個場又真係好細，但我最想食嘅嘢都有齊，所以對我黎講冇所謂。一坐低，侍應姐姐已經通知我地每位奉送一個椰青，嘩!正呀，夠晒清甜、潤喉~
準時6點出去攞食物lu:
冷盤選擇對我黎講已經足夠，有新鮮生蠔3款，分別係紐西蘭、美國同南非，紐西蘭細隻但鮮甜、美國較大海水味重、南非偏細size味淡，唯一不足每次只可攞3隻，我要出多幾次先得，是晚食左差不多有兩打，絕對為本~~
另外例牌唔少得係蟹腳，超大size，每隻都有一條司華力腸咁粗，食多兩件真係飽晒；同場我第一次見琵琶蝦，又係好大隻，厚肉多膏，但味偏淡，要點汁；
仲有龍蝦仔(冇食)、青口(一樣有食)同翡翠螺(呢個係我杯茶)
日式刺身有三文魚、吞拿魚、八爪魚同油甘魚?(因為冇食所以唔知)
前菜則有多款沙律同泰式冷盤，但我醉心於生蠔，完全唔得閒食，唯一係食左巴拿馬ham，真係夾住蜜瓜同哈密瓜係特別好食~~
熱盤主題我覺得似泰式+越式，因為有泰國咖哩、炒飯、串燒，但我一樣都冇食，男朋友就每樣都試左d，佢嘅意見都覺得有水準，值得一試。
不過我都有食例牌嘅牛扒，對我黎講都ok，同場都有羊扒，屋企個個食過反而讚羊扒，遺憾我個肚已經食唔落。
另外鍾情芝士的不可不提，佢有即溶芝士點餅乾，鍾意可選克力架或餅乾條，個人偏好餅乾條，夠脆，配上鹹鹹芝士簡直一絕，唯一係芝士好快便會凝固，要快食，否則會覺得漏~
甜品方便，有個細小朱古力噴泉，我好想試，但都係冇，平日不大吃自助餐甜品嘅我，見呢度嘅甜品每樣都係的的式式，細細件好精緻，所以我都忍唔住試左幾款，包括有Tiramisu，好正，可能因為細細杯的關係，我覺得ok，幾好味；另外食左粒芒果黑糯米小丸子，啱我唔會太甜；仲有粒酒心朱古力，個人偏向dark 朱古力，如果唔係太飽，我應該會食多少少甜品。
雪糕方面只有軟雪糕，勝在可以自己「吱」，然後自己加糖漿同果仁，少少地都食左一杯，脆筒相當吸引我~~
另外仲有數款泰式甜品同朱古力蛋糕，男朋友食過都話good；正常大家都已經飽到上心口時，餐廳捧左個生日蛋糕送俾我爸爸，因為滿6位而又有人生日餐廳會免費奉送。
蛋糕可能即場製，cream唔會太漏，配上大大粒士多啤利啱啱好。總結，食物款式唔可以話好多，不過對於我黎講已經好足夠，因為我重點都係食生蠔同長腳蟹、外加少少食物，所以太多選擇我都未必會食得落，甜品方面有水準兼勝在細細件，可以俾你試多幾款，幾乎每樣甜品都係一啖起兩啖止，鍾意食攞多幾次都仲得~~
是次因為用左openrice coupon，所以加埋一之後都係每人都係$370，呢期我都覺得抵呀~
p.s餐廳所有侍應服務都好好，快手收碟同好有禮貌，黎遠見你攞完食物返埋位佢都會行返轉頭讓路俾你行先，抵讚！場地雖細，但值得一試~~
張貼
