寶字號刀削麵

可能對好多人都唔陌生，但係我真係第一次食熱炒嘅刀削麵！今次叫咗個蝦爆鱔背炒刀削麵，我幾鍾意佢嘅蝦，夠彈牙！鱔再多d 就好，炒得都幾香口！佢嘅刀削麵唔算好煙靭，但都有啲厚度！

另外叫咗個小食小酥肉，小蘇肉一碟手掌大細，呢一個係原價嘅大細嚟嘅，唔知道套餐嘅小食會唔會再細啲！都算炸得酥脆，味道OK ！

口水雞有少少麻，肉唔會好嚡，可以撈埋碟底嘅青瓜一齊食，咁就會有啲辣！

1

單點可能冇咁抵食，套餐會抵食啲，特別係下午茶，見到都幾豐富！不過店員啲態度就一般般！