抵食出式台式便當
▫️餐具袋、紙碗、飲品樽、膠袋都設計得好靚
☑️ 士林鹽酥大雞腿便當 -$68
鹽酥大雞腿真係好大件，切開左2件用紙袋上，個皮炸得好脆，調味都好正。但飯量很多，希望可以叫少飯，減少浪費。便當嘅配料都十分多，有粟米粒、娃娃菜炒紅蘿蔔絲及菇，小棠菜、醬油粉絲、煎蛋角，全部都好味。
☑️三杯蜜汁烤雞排便當-$62
雞排已經切好5件，每件都好厚好大件，雞肉好嫩滑，用蜜汁烤過雞皮甜甜地好味道。飯嘅其他配料就一樣有甘多款。
☑️海苔 +$5
估唔到加$5嘅海苔有一碗咁多，本身以為佢只係落少少去啲飯到，海苔香口仲有芝麻，撈飯一流。
☑️五味醬拌茄子 +$14
呢個幾特別，酸酸甜甜又有少少辣，茄子一啖一件，好淋好juicy，而且好入味，上面仲有木魚絲同蔥花，味道豐富。
☑️鹽蒜四季豆+$14
四季豆炒香過，配上鹽同炸蒜即刻惹味左，可以一試。
☑️芙香蘋果茶
飲品大大枝，有550ml，個樽都好靚，呢款好香蘋果味，但有d甜。
☑️槴子花綠茶
呢款吾會甜，茶味較香濃，但吾知槴子花係咩味，不過個人喜歡呢枝多d。
