牛摩+ (沙田中心) (已結業)

見疫情無咁嚴重,就同老婆出街食個DINNER, 突然想食火鍋, 就上網SEARCH 下沙田有咩任食, 搵到牛摩, 好在預早BOOK 位唔洗排隊就入去, 門口已經好長龍。入到去我哋就點了美國牛小排加海鮮放題，最特別係又可以鍋燒又可以打邊爐。你睇吓啲海鮮幾新鮮，有帶子有海蝦有墨魚仔，大蝦成隻手掌咁大隻鮮甜爽口超級新鮮哇啲牛小排牛脂肪比例均勻，啲雪花啲真係好靚跟住仲有waiter教我哋點樣鍋燒，首先要用牛脂肪起鍋，然後加入加入特選嘅北海道辣醬炒多兩野好有北海道嘅風味。牛肉雖然唔係和牛但都入口即溶食過返尋味正呀食完鍋燒肉，我哋就點了蕃茄芝士湯底同越式牛肉湯底，兩個湯底都好正，越式牛肉湯底用牛骨淆好耐已成，味道超級濃郁。打邊爐同鍋燒兩種風味各有特色。