House FiftyEight

營業中

休息中

餐廳幾大，有室內外座、有卡位for大party、仲有飛標同桌球，枱與枱間空間闊絡，幾啱傾密計。幾次過咗lunch hour嚟呢度食lunch有折，今日喺附近收工，叫咗個二人餐。 ✦ 忌廉蘑菇湯蘑菇粒足料，上枱已經聞到湯香。湯半杰身，唔會好濟。仲有牛角包配搭。 ✦ 香煎法國鵝肝擺盤幾靚仔。鵝肝好厚身、肥大油厚，表面微焦、內裡軟嫩，油香stay咗喺口腔。另配搭多士同清甜無花果解膩。 ✦ 甘鯛魚魚皮炸成脆卜卜、一層層好別緻。魚肉嫩滑清香，同香濃厚身嘅白油忌廉汁好夾。啖啖滋味。 ✦ 黑松露飯配海膽三文魚籽蟹肉今晚VIP。非常足料，黑松露、海膽、三文魚籽、同蟹肉都唔吝嗇，香濃、口感豐富。飯以類似煲仔飯形式上，keep住熱辣，底有飯焦。最得意係有陣味噌味，好香口。 套餐仲有甜品同餐飲，兩個人無限坐都係五舊水度，好唔錯。