亞萊泰 (淘大商場3期) (已結業)

上星期去九龍灣行街，發現喺淘大花園有一間泰國菜非常好味又抵食，絕對推介佢嘅二人餐，因為簡直可以係三個人食都夠曬飽， 可以喺話二人價錢三人份量。首先離個小食拼盤， 有蝦餅、魚餅、春捲同雞肉球各兩件，件件都新鮮熱辣又惹味。跟住我哋選擇咗冬陰功大蝦湯，湯嘅用料可謂多過湯，有三至四隻半邊大蝦，仲有磨菇 等既材料，十分豐富，冬陰功湯唔會太辣，非常啱我唔食得太辣嘅人客。主菜有四揀一，我推薦必點招牌咖哩海中寶 ，海鮮咖哩汁香濃無比，配上長長嘅法包，足足有一隻手臂咁長，好味夾抵食，咖哩海鮮有魷魚、魚柳等等，而且味道又唔太辣， 恰到好處。另外有海南雞同泰式豬手等嘅選擇，最後套餐仲有馬拉盞咸魚炒通菜，同樣非常惹味。二人餐可以變三至四人份量嘅重點係只需要加50蚊就會多一個菠蘿炒飯或者泰式金邊粉 ，另外飲品仲會有買一送一，所以真係十分抵食。