羲和雅苑

營業中

休息中

最近羲和雅苑推出五周年嘅慶祝優惠套餐，都幾抵食，兩位嘅套餐有四款前菜，半隻烤鴨，三款主菜同埋仲有個炒飯，咁多嘢食加埋都係$538⭐️前菜四拼前菜有四款（乾隆白菜，黃金皮蛋，蒜泥白肉，山楂汁淮山），四款前菜用精緻嘅架上碟，充滿宮廷菜的精緻感，最欣賞係乾隆白菜，酸酸甜甜嘅味道加埋爽脆嘅白菜，好開胃⭐️羲和馳名烤鴨（半隻）烤鴨皮脆肉嫩，入口帶點焦糖既香氣，鴨肉保持肉汁，配上薄而彈牙既餅皮，再點上特製甜麵醬，層次豐富⭐️宮保雞丁雞肉嫩滑，帶有微微焦香，同花生既脆口形成對比。醬汁融合甜、酸、辣既味道，入口帶點四川花椒既麻香，送飯一流⭐️松露蠔仔煎蛋蠔仔好新鮮，無腥味，煎蛋外脆內嫩，帶點微焦既香氣。松露同蛋香好夾，整體味道細膩⭐️籠仔荷香蒸菜心菜心鮮嫩，蒸得岩岩好，仲保留爽脆口感。荷葉既清香滲透入菜心，無過多調味，可以食到蔬菜嘅自然甜味⭐️瑤柱蛋白炒飯炒飯粒粒分明，蛋白滑嫩，帶有瑤柱的鮮香，鹹香適中。瑤柱絲分佈均勻，每一啖都食到鮮味⭐️楊枝甘露&薑汁小桃膠楊枝甘露既芒果味濃郁，加上椰汁口感順滑。小桃膠口感軟糯，吸收哂薑汁既微辣，十分暖胃