影片
更多
2020-04-24
664 瀏覽
一向都唔太鍾意食呢種石燒，可能係因為個人嫌佢比較麻煩，油煙都好大，而且切嗰陣好難控制到個火候同埋好容易會彈油，整到成身都係。但係朋友介紹我食呢間，佢話呢間個質素比較好，咁我就決定平平哋試吓最平嗰個先，$78可以任食佢個自助吧，入邊有沙律，湯，嘢飲（當然係好普通嘅檸檬水同埋水嗰啲啦，飲汽水要加錢），跟住佢一拎上嚟，見到塊扒其實真係都好大塊，係比起其他同類型嘅餐廳係大塊嘅。同一般石燒都係一樣，唔知係因為我控制得唔好定係點，我食到後期就覺得佢表面有一層燶燶哋好韌嘅一片，但係啱啱先易入口其實啲肉好嫩滑嘅，比起其他嘅同類型餐廳，佢嗰啲肉都比較靚，雖然啲牛味都唔係好重，但係以呢個價錢來講真係合格有突，再講講佢提供嘅配料，其實都有好多，例如係黑椒，鹽，仲有Wasabi，一啲嘅燒肉汁，仲有佢個自家製醬汁，佢嘅選擇係比起其他同類型餐廳多嘅，但係我自己今次就冇點佢啲醬，因為食落去啲肉都比較偏向鹹，我朋友佢食咗好多次都話今次係咸咗啲嘅，所以我今次因為唔想太鹹，所以我都淨係點左Wasabi食，其他醬我都冇特登去試過，所以其他醬我都冇特別去評價佢，但係可能因為疫情嘅關係，餐廳個入座率比起前兩個禮拜都高咗，師傅做
但係朋友介紹我食呢間，佢話呢間個質素比較好，咁我就決定平平哋試吓最平嗰個先，$78可以任食佢個自助吧，入邊有沙律，湯，嘢飲（當然係好普通嘅檸檬水同埋水嗰啲啦，飲汽水要加錢），跟住佢一拎上嚟，見到塊扒其實真係都好大塊，係比起其他同類型嘅餐廳係大塊嘅。
同一般石燒都係一樣，唔知係因為我控制得唔好定係點，我食到後期就覺得佢表面有一層燶燶哋好韌嘅一片，但係啱啱先易入口其實啲肉好嫩滑嘅，比起其他嘅同類型餐廳，佢嗰啲肉都比較靚，雖然啲牛味都唔係好重，但係以呢個價錢來講真係合格有突，再講講佢提供嘅配料，其實都有好多，例如係黑椒，鹽，仲有Wasabi，一啲嘅燒肉汁，仲有佢個自家製醬汁，佢嘅選擇係比起其他同類型餐廳多嘅，但係我自己今次就冇點佢啲醬，因為食落去啲肉都比較偏向鹹，我朋友佢食咗好多次都話今次係咸咗啲嘅，所以我今次因為唔想太鹹，所以我都淨係點左Wasabi食，其他醬我都冇特登去試過，所以其他醬我都冇特別去評價佢，但係可能因為疫情嘅關係，餐廳個入座率比起前兩個禮拜都高咗，師傅做嘢都可能會比較唔習慣，所以佢入邊個味道會有啲出入我覺得算係一個無心之失，所以我唔會係呢一點扣分。
成餐飯令到我最appreciate嘅就係佢啲配料，首先講吓飯先，咁佢啲飯其實用類似珍珠米咁樣嚟整，珍珠米一般成本比較高，而且佢仲有個飯素可以落，等你食飯嗰陣唔會覺得好寡，而且佢個湯係好好飲，裏面都好足了，一邊見到落咗好多洋蔥紅蘿蔔牛肉同埋蕃茄，呢個我估應該係蕃茄牛肉湯，我見到入邊真係有好多料，所以我都專登影佢特寫啊！因為佢個湯其實係比起之前我食過同類型嘅餐廳係好飲嘅，好啦我下次會因為佢個湯專登去再食嘅，呢間其實係一間可以回頭嘅餐廳，另外佢仲有個沙律可以俾你去平衡返成餐飯，不過就略嫌個沙律吧個選擇比較少，但係以呢個價錢來講我覺得算係可以咁，另外免費嘅嘢飲有個類似青檸水，我覺得個味比較甜一啲，但係朋友就覺得啱啱好，不過我最尾都自行加咗少少水去溝淡佢，所以我覺得呢個係可以自由配搭嘅。
另外都有個小小嘅心得，就係如果番茄牛肉湯可以嘅話轉返做羅宋湯應該可以多一份gimmik，如果餐廳可以做到嘅話應該可以作為一個賣點，因為係一個日西合璧呀嘛！
張貼
