民華餐廳

營業中

休息中

民華一早街知巷聞，難得屯門有緊係要去食啦！區內好食嘅茶餐廳唔多，40蚊就有新鮮熱辣辣嘅常餐，個蕃茄湯麵無得輸，配埋大大份炒蛋，無得彈！牛油多士外脆內軟，自己就鍾意撒少少砂糖係面，超級好食！雖然即叫即製，但都唔係要等好耐，交出黎絕不馬虎。對比出面幾間民華，佢就只係得常餐嘅通粉，多士三文治，盅飯，幾款點心，選擇唔多。但勝在全日供應，瞓晏咗都有麵落肚！不過舖面太細喇，成日都要等位，紅日就更加，但係值得等嘅，因為呢區真係無乜好食。一個人仲要同人迫係張圓枱到，張枱又細，野食放完大家手掙撞手掙，坐得唔舒服。