影片
更多
2021-05-09
181 瀏覽
2021年5月6日 星期四今晚專登約左舊生食飯，原來已經好耐未試過同佢兩個人撐枱腳，所以一於揀番間可以飲酒嘅地方盡情傾心事我哋揀呢間餐廳嘅原因係佢有$168可以任飲清酒，而且款式仲要有好多，全部試晒都係同一個價錢，咁我哋當然唔放過啦至於食物方面，餐廳主要係食串燒，都有唔少食物可以選擇，價錢都唔算太貴，所以我哋每次都叫少少，一路飲酒一路食，食完又再叫過點完餐之後等咗一陣，清酒就嚟到，首先我哋叫嘅係獺祭，分量唔算太多，可以嘗試更加多唔同種類嘅清酒，呢一款飲落去比較甜，容易入口，而且酒精濃度唔算太高，所以飲完之後唔會覺得搶喉之後各款串燒就嚟到，分別有鹽燒雞翼、燒牛舌、燒牛小排同燒豬頸肉，每一款串燒嘅調味都好足夠，其中我最鍾意食燒牛舌，因為一咬落去有咬口，而且充滿牛肉味，加上厚切但係一啲都唔韌仲有燒芝士翠玉瓜同燒鰻魚，翠玉瓜燒完之後仍然有好多水份，而上面嘅芝士燒到溶溶地，食起上嚟仲有少少拉絲添至於鰻魚燒完之後肉質仍然好幼嫩，唔會燒到乾晒，上面嘅鰻魚汁仲好惹味呢個係椒鹽炸雞軟骨，炸得好香脆，用嚟送酒一流，細細粒容易入口跟住呢個係蜂蜜魚腐燒，冇諗過魚腐都可以燒成咁嘅樣，外皮好香脆，有蜜糖嘅味道，而
今晚專登約左舊生食飯，原來已經好耐未試過同佢兩個人撐枱腳，所以一於揀番間可以飲酒嘅地方盡情傾心事
我哋揀呢間餐廳嘅原因係佢有$168可以任飲清酒，而且款式仲要有好多，全部試晒都係同一個價錢，咁我哋當然唔放過啦
至於食物方面，餐廳主要係食串燒，都有唔少食物可以選擇，價錢都唔算太貴，所以我哋每次都叫少少，一路飲酒一路食，食完又再叫過
點完餐之後等咗一陣，清酒就嚟到，首先我哋叫嘅係獺祭，分量唔算太多，可以嘗試更加多唔同種類嘅清酒，呢一款飲落去比較甜，容易入口，而且酒精濃度唔算太高，所以飲完之後唔會覺得搶喉
之後各款串燒就嚟到，分別有鹽燒雞翼、燒牛舌、燒牛小排同燒豬頸肉，每一款串燒嘅調味都好足夠，其中我最鍾意食燒牛舌，因為一咬落去有咬口，而且充滿牛肉味，加上厚切但係一啲都唔韌
仲有燒芝士翠玉瓜同燒鰻魚，翠玉瓜燒完之後仍然有好多水份，而上面嘅芝士燒到溶溶地，食起上嚟仲有少少拉絲添
至於鰻魚燒完之後肉質仍然好幼嫩，唔會燒到乾晒，上面嘅鰻魚汁仲好惹味
呢個係椒鹽炸雞軟骨，炸得好香脆，用嚟送酒一流，細細粒容易入口
跟住呢個係蜂蜜魚腐燒，冇諗過魚腐都可以燒成咁嘅樣，外皮好香脆，有蜜糖嘅味道，而裏面嘅魚肉熱辣辣，幾好食
另外我哋仲叫咗風味焗蠔四食，分別有四款唔同嘅味道，包括柚子醬、黑松露醬、明太子醬同蒜蓉，我哋每人食兩隻，其中我覺得黑松露醬配焗蠔出奇地配合，因為佢嘅濃味同蠔嘅海水味幾夾，而且蠔無乜腥味，如果蠔大隻啲會更加好
最後當然唔少得食串燒必食嘅燒韭菜，韭菜上面灑上左七味粉，食落去嘅時候每一啖都好惹味，而且韭菜燒得好爽口，配清酒一齊食簡直冇得彈
叫咗咁多嘢食，又可以任飲清酒，呢一餐真係食得好滿足
張貼
