更多
2025-06-07
752 瀏覽
朋友介紹荃灣金河小廚抵食,是晚訂枱提早慶祝下父親節😎位置在百悅坊十一樓,有去開街市就知係邊個商場啦。上到去店都幾大,有幾枱大枱食緊,仲幾個vip房有客添,幾熱鬧呀。⭐黃金涼瓜黃金控表示滿意😍勁多鹹蛋黃超香,涼瓜爽口微苦,正!⭐豆豉鯪魚油麥菜有無搞錯咁大碟,炒左幾多顆油麥菜啊,豆豉鯪魚下得多,香口但唔油膩。⭐薑蔥魚腩煲魚腩走過油外脆內嫩,薑蔥爆香,惹味鮮香。⭐柱侯牛腩煲呢煲有少少失望啦,牛腩較硬,好在調味唔錯,枝竹比牛腩受歡迎,個個都夾枝竹😝⭐白飯白飯大大碗。店員主動問飲啤酒汽水定開茶,茶錢端壺計,亦無餐錢小食等雜費,價錢名碼實價好公道。
張貼