麻酸樂米線專門店 (已結業)

今次要介紹嘅係麻酸樂米線專門店，呢一間嘅食物質素唔錯，價錢都幾公道。下午茶好抵食，$40有小食，有米線，有特飲。我食咗個迷你冬蔭公海鮮米線，加咗個白菜豬肉水餃，另外再加多杯芒果乳酪特飲。冬蔭公海鮮米線雖然細啲，但好在味道搭救。冬蔭公湯底好正，少少酸夠醒胃。有一隻蝦，一條蟹柳，一粒魚蛋...叫得迷你冬蔭公海鮮米線，全部份量都真係好迷你，哈哈。白菜豬肉水餃上面有酸辣汁，酸酸辣辣好好食。三隻水餃份量剛剛好。到芒果乳酪特飲啦，芒果比較甜，不過撈埋乳酪就剛剛好中和返。