上海萬家村小館

營業中

休息中

心血來潮想食上海菜，係openrice見到依間評價唔錯，就一於黎食個lunch。個日係星期六晏晝時間，去到已經好多人，所以都等左陣先有位。而鋪面唔算大，但咁岩2個人分到一張四人枱，所以都坐得鬆動。個日同朋友每人叫左一個set，而兩個set都跟杯飲品。本身揀個個set無小食，但老細好好咁送左個小食比我地。依個四喜烤麩味道濃郁得黎唔會話太酸，係一個唔錯既前菜。然後本身好期待個小籠包，但食完有d失望 個皮偏厚，入面既湯汁都唔多，肉味雖然正常，但肉質有d乾，整體都同其它人既食評有d出入，所以唔知係米咁岩個日轉左師傅整。之後到依個酸菜魚配菜飯，酸菜魚非常足料，魚肉份量都多，同埋唔會好老，但就唔算話好鮮，同埋唔知係米叫左少辣，整體個味唔係好濃，同埋連平時唔食得辣既我都可以係咁食。而個菜飯好大碗，有平時兩碗飯咁多，但d菜略厭有d少，同埋無咩菜味。最後我同朋友都係叫左凍豆漿，個人覺得太甜，飲完會有d黏喉既感覺。總結依間既上海菜性價比好高，佢每個set既份量都好多，但價錢唔貴，仲要唔收加一。唔怪得keep住都有人等位或者叫外賣。