點左個「牛肉烏冬鍋天婦羅壽司拼盤御膳」$165 呢個份量其實對我來講有啲多，但係實在太耐冇出街食飯，真係好想食。
牛肉烏冬鍋都幾大，牛肉份量都唔少，肉質幼嫩，烏冬爽滑彈牙，每一條烏冬都吸盡湯嘅味道，好好味。
壽司飯加咗醋，酸酸甜甜好開胃，刺身好新鮮清甜。天婦羅都炸得啱啱好，係日本嘅口感，薄而脆。
呢一餐好飽，食得好滿足，我應該會再嚟食嘅。不過可能就要隔耐少少先嚟一次。
抗疫期間出街真係心驚膽跳，又驚人唔戴口罩，又驚佢係你隔離咳，最驚係返到屋企更係覺得自己有咩唔舒服，就嚟擔心到有驚恐症。😭
環境：🌟🌟🌟🌟🌟已包場
食物：🌟🌟🌟🌟
抵食：🌟🌟🌟🌟
服務：評價唔到，職員都離開好遠
