澳門翠苑餐廳

營業中

休息中

今日睇完早場，為左慳錢同醫我未食早餐的肚，我走左去旺角熟食中心找好野食，行晒成個場，最終都係揀左依間，食第二次。今次無揀農夫包，因為食唔晒，就叫左一個是日快餐，咖哩鴛鴦扒飯，$32.我加左二元要凍咖啡，服務熊度仍然係好有禮貌，有專人送餐上來。一上枱，嘩又係超大份，今次的咖喱好夠熱，超好食，有三舊薯仔，n塊雞扒，同豬扒，咖喱味超濃，又唔辣，一啲都唔水，啲肉都煎得幾香口，又切到一塊塊，大小超好，真係超好食，咖喱味送飯一流，飯邊仲有啲伴菜，我食到一半已經超飽。不過要小心豬扒旁的骨碎，要小心。杯凍咖啡超濃咖啡味，奶味 又唔係好甜，真係好正，成個食到飽飽的餐都係34only,其實兩個細食的女仔都夠食。環境一般，但仍可接受，唔係好dirty