886巷 (已結業)

元朗千色廣場附近有間886巷，佢有用堂食同外賣，主打台式便當同小食，同有堂食一人火鍋。佢啲台灣野食好抵食，大部份便當都唔過$60，仲要大大盒。最欣賞佢係外賣包裝得唔錯，啲外賣盒都係好堅挺高質，盛麪個碗都好企理，做到分湯又唔會容易瀉，抵讚。今晚我地叫左四人分量外賣，平均一人都唔駛$100，幾抵食。 🔸️巨無霸鹽麴雞腿排魯肉飯（$58，8.7／10）勁大塊雞扒！雞扒仲要外脆內軟，好酥脆。盒飯幾大盒，夠兩個人食飽。 🔸️鐵路排骨飯（$60，8.5／10）排骨好入味，條台灣腸都好好味，盒飯又係大到兩個人食都得。 🔸️麻辣鴨血無骨鴨掌豬大腸金門米粉 （$68，8.9／10）好中意呢個麻辣米粉，首先佢既麻辣味好有地道風味，另外啲餸超足料，佢啲豬大腸同鴨血都勁入味勁好味。 🔸️牛肉刈包（$33，8／10）刈包包牛腩，幾特別。 🔸️黑金剛豚肉刈包（$33，8／10）個黑豚肉炆得好入味，配埋少少酸蘿蔔幾正。 🔸️台南六寶丸（$38，9.2／10）呢個必食推介，有成8款唔同既丸，粒粒丸都超彈牙多汁，其中最中意黑魚丸同香芋牛丸。😋佢仲有多生菜既湯丸，清清地幾好。 🔸️臭豆腐（$38，8／10）聞落幾臭，但食落唔臭。 🔸️葱