大鍋口海鮮火鍋店

營業中

休息中

今日因打風，多左日假，但就悶左1日係屋企。朋友提議去佐敦食呢間高質打邊爐。佢話湯底靚，食材又新鮮，最啱一打完風就出街搵野食。坐底朋友就去攞左支竹蔗水飲。真係超清爽，個人即刻冇咁熱。我地簡左椰子滑雞湯底，黎到真係好白好靚湯底，仲要好香椰子味，而且都幾多雞件，哈，可以當多個餸tim，而且個湯都幾好飲。雪花園牛好靚，擺盤靚不特止，仲要好大塊，淥完又唔會縮得好細，肥肉適中，真係好靚。每樣餸都唔會一次上太多，唔怕人嘥野，食過好食再叫。脆肉鯇同手切鮮牛都好正。魚夠爽脆，鮮牛又嫩滑，真係一啲筋都冇，好香肉味。而羊肉都好新鮮好有羊味。而最正連菜都係新鮮既鮮甜，仲洗得好乾淨，真係好難得。唔怪之朋友介紹一定要黎食。仲話好彩今日打風先唔洗訂位，平時係要訂先有得食，因太多人。所以今日真係食得好開心。