發哥粥底海鮮火鍋 (已結業)

見到食評都唔錯就過嚟試下，可能期望太大，所以有d失望～ 好耐冇去過顯徑啦，原來冬菇亭嗰度新裝修咗，呢一間發哥都係喺嗰度，裏面有火鍋有小菜食。

一知道係食火鍋嘅，店員即刻拎咗一渣竹蔗茅根水（幾好，少甜）➕ 兩個小食（酸青瓜，花生）上枱。我哋揀咗兩個人都係蝦蟹餐 （HK$248@ + HK$10 星期五六日 + HK$15@ 茶芥醬油）🥢 汽水+竹蔗茅根水喺任飲嘅～

跟餐每位有個燉湯～

海鮮全部都放埋一碟餸上嚟（鮑魚另上），我哋睇清楚啲，發現就冇蝦嘅，要幾番追問下店員補番啲蝦畀我哋，另外佢張落單紙寫嘅貴妃蚌就變咗扇貝，黃金蜆就其實都係畀沙白👉👈 蟹就無蟹膏嘅（應該係藍花蟹）。。

冇畀到蝦

畀番啲蝦

另外揀嘅8款火鍋料就正正常常啦，冇乜嘢好突出，質素同出去任食打邊爐嗰啲差唔多。。雞件望落去就dry d，唔係太吸睛嘅樣🙈

食到最後，叫店員加埋粥底，粥底裏面有少許粟米粒南瓜粒芋頭粒。見食唔曬又唔想浪費(又就快10pm夠鐘無得繼續堂食)，就問店員，想俾錢要個外賣盒，2個店員話都唔得喎，話唔可以拎走‼️ 唔係好明點解  我哋又唔係任食，係自己畀咗錢嘅份量，都唔可以拎走，有啲奇怪。。。

喺屋邨嚟講佢呢間嘅價錢唔算平，當然如果係住顯徑邨嘅呢度就會方便啲，但係要搭車過嚟嘅我就唔會再返嚟食啦😅

餐廳自己冇廁所㗎。。廁所要行出去公廁。。（我冇拜訪到）