美滋鍋 (家樂坊)

營業中

休息中

呢間充滿少女心嘅火鍋店，係香港少有嘅打邊爐式打卡餐廳，餐廳燈光光猛，周圍都佈滿花花，好有身在cafe嘅感覺。最近見做緊火鍋放題，有四個價位嘅套餐可以選擇，我哋揀咗套餐C，可以主力食澳洲M6+和牛💪🏻放題嘅種類都唔少，我哋食咗澳洲M6+和牛前、鮮鲩魚骨腩、水魷魚、鴨血、三黃雞件、魚皮餃、韭菜餃、花膠、竹簽蝦、脆炸午餐肉、蟹籽墨魚滑、象拔蚌片、皇帝菜、沙白等。特別一提我哋不斷order y嗰幾款～～澳洲M6+和牛前腿心: 肉質細膩，牛味濃郁。鮮鲩魚骨腩: 魚肉非常鮮嫩，而且骨少，方便食。水魷魚：彈牙，有海鮮味。花膠：口感滑嫩，啖啖都有豐富膠質。竹簽蝦：大隻，肉質爽彈，新鮮帶有微微甜味，高質。其他款式都新鮮，呢個放題set，一定能滿足鍾意食牛嘅朋友仔。