文成記

營業中

休息中

自問都食過唔少主打邊爐的食肆，料靚就超貴，平價既就冇好野食。但文成記我覺得最能做到平靚正。位置係幾隔涉，而且冇乜裝修，但環境尚算幾大，而且比較容易有位。尋晚同老婆去，個侍應帶我地穿來插去，去到最尾有好多空檯，而且張張都好闊落。坐低叫左個蕃茄薯仔牛肉粒湯底，墨魚滑，駝鳥肉，手切肥牛，牛柏葉，鵝腸，桂花蚌，半條生魚，脆肉鯇魚片，生菜同烏冬。碟碟份量都唔少，兩個人黎講真係叫得太多，可以太耐冇打，搏晒命之故。樣樣都好新鮮，係碟鵝腸可能去晒D肥糕，口感冇咁爽同香。最後飽到唔識郁咁滯，埋單都係六百。算經濟，下次再黎！