火鍋撚 (日富里百好大廈) (已結業)

今日去完香港大學之後，周圍同個friend去搵嘢食，位於香港大學港鐵站出口附近有一間邊爐店，見到之前都好多分店，於是入去試吓先。聽到個名吸左我入去，原來係一間台式火鍋料理，我哋揀咗酸菜白肉湯底，星期一至四仲可以免費添加酸菜白肉添，非常之抵。我哋嗌咗新鮮即炸嘅響鈴，佢仲可以唔使點湯即時食，餐廳亦都配埋甜酸醬俾我哋非常之夾，另外亦都有油炸鬼吸晒湯底嘅味道。牛肉方面，我哋揀咗手切肥牛，真係肉質在鮮嫩一啲，全部食材都可以揀半份半份咁樣，真係啱晒眼闊肚窄既朋友仔。特別要點名讚一讚嘅係黑松露牛丸，一咬落去真係爆漿㗎，仲要隻呢隻黑松露係好creamy 好香，一咬落去非常之有驚喜，最後食完買單之後職員竟然送咗個腐竹沙冰甜品俾我哋，呢個腐竹沙冰可以幫我哋一解油膩之餘，仲係一個好滿足嘅甜品。