海皇漁港

營業中

休息中

本來食咗早餐，準備同鄰居打波。但係鄰居話打波前打打底，咁就揸車過咗馬鞍山食嘢，佢就俾咗兩間選擇我最後就揀咗飲茶，之前有其他鄰居話質素差咗，咁就要親身試吓係咪真係咁樣。啱啱嚟到可以落下午茶飛，等咗大概半個鐘頭就入得座。因為以前成日同屋企人嚟飲茶，本身就唔係咁想影相，所以最初碗燒鴨米線都冇影到，因為都係俾啲鴨尾搭兩件上庄肉。因為冇乜期望，所以都係影一張全家福就算。但係食落又唔係真係咁差喎，個XO醬炒蘿蔔糕大大件XO醬亦都好多同埋唔會煎到油淋淋。個芋絲餅雖然就切到細細粒同以前個賣相有啲唔同，但係都整得好脆口，相當好食。蝦餃燒賣都係正常表現，牛肉大大粒啲馬蹄都幾爽口。係個抄手就普通啲雲吞加辣椒油，但係就唔辣嘅。個皮蛋瘦肉粥我就幾鍾意，因為夠杰撻撻。但係個牛仔骨佢唔知係咪落錯咗喼汁落去醃，有啲酸，但係就唔似變壞嗰隻酸味呢個就有少少扣分。一來個味道二來個份量，中間整嚿大芋頭嚟晾高，佢一籠裏邊都多牛仔骨。整體嚟講同以前食差唔多，近近地又係一個唔差嘅選擇。