影片
更多
2015-02-28
459 瀏覽
13/2/2015(五)情人節正日冇情人陪, 唯有在前夕見個面. 今晚專登又再返青衣食甜品! 因為佢既松露餅實在太好味! 我地想試埋其他, 所以今晚再返去試.唔知係咪今日係happy Friday會開夜d呢.在門外, 其實已經見到要排隊了.不過都算等得快, 兩三張檯就到我地了.今次叫左三款甜品,當然唔少得再encore 朱古力松露餅啦 ($35), 水準依然!! 香滑濃郁既朱古力味!第二款:宇治抺茶奶凍伴雪糕布甸質地軟滑得黎唔會太稀, 有d似苟蒻既質地. 抺茶味濃郁滑口.再配埋都係抺茶味雪糕, 真係好清新! 碟間仲有一些紅豆粒調味.第三款:法式焗香草燴梨未食之前我仲以為係好似焗班戟咁, 當一用匙羮吉入去既時候先知我諗多左!樣子原來好似一個濃湯咁樣, 食落口既時候, 我會以 "雲呢拿甜湯"黎形容! 哈哈, 暖暖的, 甜甜的, 滑滑的!入面有梨子薄片, 入口其實已經被雲呢拿湯浸林左, 索晒味! 上面再有一球雲呢拿雪糕, 有D又冷又熱既感覺!!!好矛盾! 哈哈!呢款甜品果然係鎮店之選, 有機會的, 一定要黎試試!17/2/2015(二)晚上好早就食完飯, 但又心思思想食甜品, 所以又過左青衣
情人節正日冇情人陪, 唯有在前夕見個面. 今晚專登又再返青衣食甜品! 因為佢既松露餅實在太好味! 我地想試埋其他, 所以今晚再返去試.
唔知係咪今日係happy Friday會開夜d呢.
在門外, 其實已經見到要排隊了.
不過都算等得快, 兩三張檯就到我地了.
今次叫左三款甜品,
當然唔少得再encore 朱古力松露餅啦 ($35), 水準依然!! 香滑濃郁既朱古力味!
第二款:宇治抺茶奶凍伴雪糕
布甸質地軟滑得黎唔會太稀, 有d似苟蒻既質地. 抺茶味濃郁滑口.再配埋都係抺茶味雪糕, 真係好清新! 碟間仲有一些紅豆粒調味.
第三款:
法式焗香草燴梨
未食之前我仲以為係好似焗班戟咁, 當一用匙羮吉入去既時候先知我諗多左!樣子原來好似一個濃湯咁樣, 食落口既時候, 我會以 "雲呢拿甜湯"黎形容! 哈哈, 暖暖的, 甜甜的, 滑滑的!
入面有梨子薄片, 入口其實已經被雲呢拿湯浸林左, 索晒味! 上面再有一球雲呢拿雪糕, 有D又冷又熱既感覺!!!好矛盾! 哈哈!
呢款甜品果然係鎮店之選, 有機會的, 一定要黎試試!
17/2/2015(二)
晚上好早就食完飯, 但又心思思想食甜品, 所以又過左青衣, 試埋其他既甜品. 因為今次有五個人, 可以叫多幾款黎試.
蛋白杏仁茶 (熱)本人就未有試過, 不過聽聞好香滑, 入面有蛋白花, 食既人好LIKE.
提拉米蘇班戟雖然賣相普通, 但係味道一流!
上碟時, 班戟仲熱辣辣, 上面既Tiramisu 打得好軟滑, 甜度適中, 加左少少可可粉, 又有少少苦苦地既味道! 好好食! 另選一球芒果雪糕, 一暖一冷, 剌激味蕾.
芒果椰汁紫糯米基本之選, 好穩陣!
新款甜品, 黑板上先有!朱古力吉普斯特
哈哈, 聽完個名都唔知係咩! 問問職員, 佢介紹一下, 覺得幾有趣, 所以叫來試試.
賣相有D似布甸, 吉落去又有D似硬身既吉士忌廉咁. 味道其實係有花生醬, 榛子, 朱古力等, 所以係會偏甜架! 另外配上朱古力粒, 加入不同口感! 旁邊有一球雲呢拿雪糕, 大概可中和返 "黃色布甸"既味道!
最後一款, 嘩, 有表演睇, 又好味, 真係抵晒! 呢個係火焰雪山, 以前都在外面食過,
不過呢間舖都幾隆重其事呢款甜品!
因為當職員淋上甜酒時, 佢會將店舖燈光較暗, 讓大家都可以睇到火焰!
送上檯面, 火焰開始熄, 有部份既泡沬被燒到燶左, 職員叫我地可以吹熄佢.
見到上面開始有少少溶既跡象, 用叉開始食既時候, 吉入泡沬, 入口有一陣陣酒香, 泡沬好滑口, 入面內藏雲呢拿雪糕! 以前食既火焰雪山, 多數係入面既雪糕都溶埋, 入口一patpat咁! 但今次呢個好唔同, 因為食左好耐, 球雪糕仍可保持硬度, 唔會溶晒! 外層既泡沬打得好廷身, 沒有倒塔! 讓我地可以一直吉到尾!
張貼
