Ocio (東港城) (已結業)

東港城有一間專食窩夫嘅Cafe環境唔錯，睇到個Menu嘢食都唔錯，就入去試吓枱與枱之間好闊落，坐得都好舒服，成個感覺好寧靜好chill佢有一個係晚市套餐嘅menu，有唔同嘅餐仲包嘢飲同餐湯另外仲可以加錢去加配蛋糕或者小食我哋就嗌左一個意大利飯一個豬手一個牛柳同埋甜品香草刺身帶子海鮮墨魚汁意大利飯嚟到嘅時候有兩隻青口同兩個帶子，海鮮味一般般，還可以，意大利飯味道唔錯，唔會話太鹹，而且佢嘅濕度都係啱啱好，佢仲連埋啲蕃茄一齊食，解膩，味道都幾清新德國鹹豬手配薯條佢鹹豬手份量好大份，個皮係脆嘅，肉唔會話太硬，淋得來有少少咬口，有啲鹹味，佢仲配埋薯條，有啲菜，有啲酸蘿蔔絲，整體唔錯個牛柳大概就係七成熟左右，雖然真係熟咗少少，但係都唔會話太鞋，肉質都唔錯，都幾有牛肉嘅味道，佢底下有啲羽衣甘藍，食落去似紫菜，冇草青味，不過就偏鹹咗少少嗌咗一個甜品，佢呢度出名都係食窩夫，但係就見到有個蜜瓜嘅熱香餅好吸引，就嗌左，佢嚟到嘅時候係半個蜜瓜，上面有一個類似梳乎厘咁嘅物體，切開入面仲有一個蜜瓜味嘅啫喱蜜瓜好清甜，好多汁，梳乎厘好有軟熟，周圍仲有少少蜜糖星星，係童年嘅回憶整體來講嘢食正常水準，性價比還可以，如果